Құртқа тайбурылды батырға лайықты тұлпар болуы үшін қалай баптады?

Тұяғын жерге тигізбей,

Алтын тонға орады.

Аузын үріп сыпырып,

Маңдайынан иіскеп,

Күн түсірмей көзіне,

Жел тигізбей өзіне,

Үстіне шатыр тіккізді.

Көп нөкерін жүгіртіп,

Не керегін жеткізді.

Үйір болып сол жерде,

Қырық күнге шейін Бурылға

Қулықтың <қосылма> сүтін емізді.

Және қырық күн біткенше,

Қысырдың сүтін емізді.

Сексен күні біткесін,

Тоқсан күні жеткесін,

Арымасын, талмасын деп,

Маңқа, қолқа <қосылма> болмасын деп,

Жеміне қосып, Қыз Құртқа,

Қызыл дәрі жегізді.

Бурылға Қыз Құртқа

Түндікпенен күн берді,

Түтікпенен су берді,

Дәрілеген жем берді.

Алтыннан жабу оюлап,

Бурылға Қыз Құртқа

Құлағын тігіп қыюлап,

Балағына түсірді.