Тілашар - қазақ халқының балаға арнап өткізетін қуанышқа толы тойларының бірі. Тілашар тойы бала ең алғаш мектеп табалдырығын аттап, ұстаз алдына баруына орай өткізіледі. Әр бала 7 жасқа толған соң білім ордасына барады. Бұл тойға барша ағайын-туыс шақырылады.Бұл күні балаға жаңа киімдер кигізіледі. Көпшілікпен бірге тойланады. Себебі, халқымыз баланың білім алып, еліне елеулі үлес қосар азаматы болғандығын қалайды. Тілашар тойында үлкендер балаға бата береді. Барша жиналғандар балаға өздерінің ақ тілектерін арнайды.
