4-тапсырма. Сөйлемдерден етістіктерді тауып, оларды құрамына қарай талдаңдар. 1. Ұзын бойлы, әскери киімді, ақ сары кісі қақпа сыртындағы пар ат жеккен тарантасқа мінгізді де, «айда!» дегендей белгі берді (Б.Тоғ.). 2. Іңір' түсе қалып еді, құрық үстіне құрық жаудырып, Жылқыны әлдеқайда қуып бара жатқандары естілді (М.Ə.). 3. Келген қонақтарды үлкен үйге кіргізді. 4. Құлазыған жазық далада аппақ қардан еш нәрсе көрінбейді. 5. Шөлдеп келген жауынгерлер суық қымыздан бір-бір жұтысты. 6. Жабайы торы атын бір күн тынықтырып, Ержан бүгін тағы да аңға шығып кетіп еді (Ғ.Мус.). 7. «Жігітектен отыз кісі хатқа тізіліпті» деген хабарды естігенде, Байдалы өз ауылына Базаралыны шақыртып алды (М.Ə.).
4-тапсырма. Сөйлемдерді көшіріп жазыңдар. Күрделі етістіктерді тауып, түрлерін анықтаңдар. 1.Алдарынан шауып-шауып отыз-қырықтай қарулы солдат шықты (М.Ә.). 2.Тамшыдан тама-тама дария болады (мақал). 3.Әкелі-балалы екеуi де үндеместен бір-біріне қарады (Ы.А.). 4.Кешегі құмды дала жасыл алқапқа айналды (Н.Ғ.). 5.Орда шаңырағын халық көтерген. 6.Көкшалғынның арасындағы бармақтай-бармақтай боп өскен бүлдірген мен жидектен көз тұнады (1.Е.). 7.Анда-санда демалып, зытып келем, зытып келем (Ғ.Мүс.)