Он бесінші қазан Балаға ат қою
Жүктелген материалмен танысып, мәтінді оқыңдар.
Жаңа туған сәбиге ат қою – ерекше салтанатты ғұрыптардың бірі. Ат қоюға қазақ халқы ерекше көңіл бөлген. Қазақта балаға ат қоюдың жолы мен сәттері көп. Шөп шауып жатса – Шөптібай деп, Наурыз айында туса – Наурызбай деп, айт күні туса – Айтбай деп те қоя салады. Сол сияқты қыз бала туа берсе, Ұлболсын, Ұлтуған, Ұлмекен дейді. Көз тимесін деп Бишай, Көтерші, Итемген, Күшік деп те қойған. Қазір Бауыржан, Абай, Олжас, Сәкен, Абылай, Фаризалар көп. Бұлар – сол кісілердей болсын деген ырымнан қойылған есімдер. (Сейіт Кенжахметұлы)
Бала дүниеге келгенде әр саналы отбасы оған жарасымды әрі әдемі есім беруге тырысады. Кейбірі ел арасында кең таралған, заманауи есімдерді қойып жатса, кейбірі ата-бабаларының, ұлы тұлғалардың есімдерін, кейбірі ежелгі есімдерді қояды. «Жаңа туған сәби болашақта құрметті, үлкен азамат болсын» деген үмітпен ата-анасы жасы үлкен, сыйлы адамға ат қоюға қолқа салады.
Мына сөздердің мағынасын тауып жазыңдар:
Қолқа салу; ырымдау; азан шақырып, ат қою.
ответ: қолқа салу деген ол- бір бұйымтай сұрау деген сөз.
Ырымдау-ол бір ырымға сүйене отырып бір іс-әрекетті орындау.
Азан шақырып ат қою- баланың оң содан кейін сол құлағына есімін үш қайтара айтып,есім беру.